दशैं आयो, दशैं गयो… तर परदेशमा बस्ने हाम्रो मन अझै घरमै अड्किएको छ। कसैले परिवारसँग बसेर टीका लगायो, कसैले भिडियो कलमै आमाबुबाको आशीर्वाद लियो। कसैले घरको मीठो खाना सम्झियो, त कसैले चाडपर्वको दिन पनि काममै आफ्नो समय बितायो। दशैं सकिएपछि फेरि उही काम, उही कोठा, उही व्यस्त जीवन… तर मनको कुनामा भने अझै आमाको हातको टीका, बाबाको आशीर्वाद, दाजुभाइ-दिदीबहिनीसँगको हाँसो र घरआँगनको रमाइलो घुमिरहेको छ। घरमा हुँदा चाडपर्व सामान्य लाग्थ्यो, तर परदेश आएपछि थाहा भयो—दशैं भनेको टीका र जमरा मात्रै होइन रहेछ, दशैं त आफ्ना मान्छेसँग बिताएको समय रहेछ। हामी यहाँ आफ्नो परिवारको भविष्य बनाउन संघर्ष गरिरहेका छौँ। आफ्नो रहर थाती राखेर परिवारको खुसीका लागि मेहनत गरिरहेका छौँ। बाहिरबाट हाँसे पनि मनभित्र कति कुरा लुकाएका छौँ, त्यो हामीलाई मात्रै थाहा छ। तर दुःख नमानौँ साथीहरू! आजको हाम्रो संघर्षले भोलि परिवारसँगै बसेर खुसी मनाउने दिन अवश्य ल्याओस्। हाम्रो मेहनत सफल होस् र अर्को दशैंमा आफ्ना प्रियजनलाई अँगालो हालेर टीका लगाउन पाऔँ। परदेशमा रहनुभएका सबैलाई एउटा न्यानो अँगालो। तपाईंको त्याग र मेहनतको मूल्य एक दिन अवश्य मिलोस्।